Çexiya Respublikası

Çexiya Respublikası

        Mərkəzi Avropa ölkələrindən biri olan Çexiya 42 mindən çox əcnəbi tələbənin təhsil aldığı ölkədir. Çexiyada yüksək təhsil standartlarına cavab verən onlarla ali təhsil müəssisəsi yerləşməkdədir. Ölkənin ilk universiteti 673 il əvvəl, 1378-ci ildə təsis olunmuş Çarles Universitetidir. Müasir dövrdə Çexiyada onlarla dövlət və özəl universitetlər fəaliyyət göstərir.

        Çexiya təhsil sistemi ölkəmizin təhsil sistemi ilə eynilik təşkil edir. Ölkənin təhsil sisteminə uyğun olaraq, hər kəs 9 illik məcburi orta təhsil almalıdır. Orta təhsili başa vuran şagirdlər istəklərinə uyğun olaraq ya tam orta təhsil üçün, ya da xüsusi ixtisaslar üzrə tam orta təhsil almaq hüququna malikdirlər. Universitetlərə qəbul tam orta təhsilini başa vurmuş şəxslərə açıq şəkildə aparılır. Çexiyada yerli vətəndaşlarla, əcnəbi namizədlər ali təhsil almaq üçün eyni hüquqlara malikdirlər. Dünyanın istənilən ölkəsindən tam orta təhsilini başa vurmuş şəxslər Çexiya ali məktəblərinə müraciət edə bilərlər.

         Çexiyada bakalavr təhsili seçilmiş ixtisasdan asılı olaraq, 3 və ya 4 il müddətində davam edir. Universitetlərdə tədris texniki və humanitar fakültələr üçün çex və ya ingilis dilində aparılır. Çexiyada təhsil almaq istəyən əcnəbi namizədlər əgər çex dilini orta səviyyədə bilirlərsə, ölkənin dövlət universitetlərində ödənişsiz təhsil almaq hüququna malikdirlər. Bəzi universitetlərdə isə çex dilində təhsil üçün təhsil haqqları 300-500 avro arasında dəyişir. Ümumilikdə ölkədə çex dilində təhsil ingilis dilində təhsildən ucuzdur.

         Bakalavr təhsilini ingilis dilində almaq istəyən namizədlər üçün iki seçim mövcuddur. Bunlardan biri beynəlxalq ingilis dili sertifikatlarından birinə sahib olmaqdır. Nümunə üçün IELTS, TOEFL və digər beynəlxalq dil imtahanı nəticəsi minimum B1 səviyyəsində (bəzi ixtisaslar üzrə daha yüksək dil bilikləri tələb oluna bilər) olan namizədlər universitetlərə müraciət edə bilərlər. Bu nəticələri olmayan namizədlər bəzi universietetlərdə daxili dil biliklərinin qiymətləndirilməsi imtahanlarında iştirak edib, öz dil biliklərini təsdiq edə bilərlər.  Çexiyada ingilis dilində pulsuz təhsil imkanları mövcuddur. Dövlət universitetlərində  “Visegrad” təqaüdü ilə ödənişsiz təhsil ala və ya universitetlərin ən yüksək nəticəsi olan namizədlərə verdiyi xüsusi təhsil haqqı güzəştlərindən yararlana bilərlər. Çexiyada bakalavr təhsili proqramının son mərhələsi dövlət imtahanı, diplom işinin müdafiəsi ilə başa çatır.

         Çexiyada magistratura pilləsi üzrə təhsil əsasən 2 il davam edir. İxtisas seçimi üçün namizədlərə iki əsas istiqamət təklif olunur. Birincisi bakalavr təhsilində yiyələndiyi ixtisasa uyğun proqramlarda təhsil almaqdır. Bunun üçün əsasən bakalavr ümumi orta qiyməti minimum 75 baldan yuxarı olmalı, dil bilikləri isə çex və ya ingilis dili üzrə B2 səviyyəsindən yüksək olmalıdır. Digər seçim isə MBA proqramlarına müraciətdir. Öz ixtisası üzrə təhsil almaq istəməyən namizədlər bu proqramın təklif etdiyi xüsusi ixtisaslara müraciət edə bilər. Bunun üçün də tələblər eynidir.

         Çexiyada təhsil haqqları universitetin özəl və ya dövlət əsaslı olmasından, ixtisas seçimindən və tədris dilindən asılı olaraq dəyişir. Lakin ümumilikdə təhsil haqqları təqribən 1.500 – 5.000$ arasındadır. Təhsil haqqı ödənişləri ildə iki dəfə olmaqla, hər semestr üzrə ödənilir. Yaşam xərcləri isə universitetlərin yaşadıqları şəhərlərdən asılı olaraq dəyişir. Yemək, nəqliyyat xərcləri, yataqxana ödənişləri ilə birlikdə yaşam xərcləri 350$-700$ təşkil edir.

         Çexiyada fəaliyyət göstərən universitetlər öz reytinqlərinə görə fərqlənir. Müxtəlif reytinq sıralamalarında müxtəlif cür təsvir olunsa da, universietetlərin reytinqləri əsasən aşağıdakı kimidir:

  1. Charles University
  2. University of Chemistry and Technology, Prague
  3. Czech Technical University in Prague        
  4. Masaryk University      
  5. Palacký University Olomouc  
  6. Brno University of Technology
  7. Mendel University in Brno     
  8. Technical University of Liberec        
  9. Czech University of Life Sciences Prague (CULS)        
  10.  University of Pardubice

Çexiyada təhsil almağın bir çox üstünlükləri vardır. Çexiya Avropanın ən ecazkar ölkələrindən biridir. Çexiyada təhsil Avropanın ən gözəl ölkələrindən birində təhsil deməkdir.  2004-cü ildən etibarən Çexiya Avropa İttifaqına daxil olmuşdur. Şengen zonasında yerləşən Çexiyada təhsil almaq bu müddət ərzində Avropanı gəzmək, müxtəlif ölkələr və şəhərlər görmək üçün əlverişlidir. Ölkədə yaşam standartları yüksəkdir. Təqribən 350-700$ xərcləməklə normal şəraitdə yaşamaq mümkündür. Çexiyadakı təhsil müəssisələri çoxillik təcrübəyə sahibdir. Çexiya universitetləri Avropanın və dünyanın digər universitetləri ilə beynəlxalq əlaqələr qurmuşdur. Bununla da Çexiyada təhsil alarkən bu beynəlxalq əlaqələri təcrübəyə çevirə bilərsiniz. Eyni zamanda Çexiya “Visegrad”, “Erasmus” kimi təqaüdlərin verilməsində aktiv iştirak edən ölkədir. Yüksək göstəriciləri olan namizədlər bu təqaüdlər üzrə tam ödənişsiz təhsil imkanları əldə edə bilərlər.

Kaspi Xaricdə Təhsil Çexiyada təhsil almaq istəyən namizədlər üçün düzgün universitet, ixtisas seçimi aparmaqda dəstək göstərir. Artıq illərdir ki, Avropada təhsil üçün bizə müraciət edən və Çexiyanı seçmiş namizədlərə öz dəyərli məsləhətlərimizi verir, qəbul prosesini ən effektiv şəkildə aparırıq. Çexiyada təhsil üçün müvafiq nəticələri olan istənilən namizəd Kaspi Xaricdə Təhsilə müraciət edə bilər. 

Ünvan : Xətai rayonu, Xocalı 57a
Əlaqə : 0506423909

 

Universitetler

  • Brno University of Technology
    Brno University of Technology Çexiya Respublikası
  • Czech Technical University
    Czech Technical University Çexiya Respublikası
  • Masaryk University
    Masaryk University Çexiya Respublikası
  • Czech University of  Life Sciences
    Czech University of Life Sciences Çexiya Respublikası
  • Tomas Bata University
    Tomas Bata University Çexiya Respublikası
  • University of New York in Prague ( UNYP)
    University of New York in Prague ( UNYP) Çexiya Respublikası